فاش كتفكر
ولد الحرام
ساقط ف التحضيري
نوض تخدم
اثنين ساكنين في خيمة
قروي راح للطبيب
راجعين بالسيارة
الفار والبنات
القميجة طاحت
الزقرام والليمون الخامج
السيكليس والطلاب
طبيب العينين وخطيبتو
المرا الخايفة من الشفار
تغيب على المدرسة
الكتبة ديال الطبيب
أكبر كدبة
ف الطوبيس
صبع ف الزلافة
طلقي راسك
ما شفتينيش؟
طلق مرتو
باش كتحلم
الخميس، 21 نوفمبر 2013
الأحد، 17 نوفمبر 2013
فاش كتفكر
واحد ووحدة مشاو للبحر، وجالسين ساكتين
قالت ليه برومانسية: كتفكر؟
قال ليها: اه
قالت ليه حشمانة: فاش كتفكر؟
قال ليها: كنفكر... إيلا كان هاد البحر كولو مرقة، شحال من خبزة تقدو
ولد الحرام
واحد المعلم سول واحد التلميد، قال ليه: أش بغيتي تكون فاش تكبر؟
قال ليه التلميد: بغيت نكون ولد الحرام.
قال ليه المعلم: علاش أولدي؟
قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام
ساقط ف التحضيري
هادا واحد المكلخ ساقط أربع سنين فالتحضيري.
جا عندو المدير، قال ليه: واش نتا غادي تبقى غي لاصق ليا ف هاد المدرسة؟
ناض الدري كعا، هز شكارتو وخرج. قال ليهم: لهلا يداوي بوكم.
كان معول يولي طبيب.
نوض تخدم
قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
اثنين ساكنين في خيمة
اثنين ساكنين في خيمة وراقدين على ظهورهم بالليل ناظر الأول للسما وقال للثاني وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي
قروي راح للطبيب
قروي راح للطبيب... بعد ما كشف عليه قال له: لازم تحلل الدم والبول...... قال القروي : إيه..... الله يحللهم ويبيحهم
راجعين بالسيارة
اثنين راجعين بالسيارة من السفر وقفوا عند محطة بنزين نزل السواق عند البقالة وراح الثاني لدورة المياه اشترى السواق حبتين ببسي وركب السيارة ومشى ..... ثاني يوم ...اتصل عليه أهل خوية ... قالوا له : وين فلان ما رجع معك ؟ قال : وانا اقول الببسي الثاني منهو له
الجمعة، 15 نوفمبر 2013
الفار والبنات
سولوا واحد الفار: علاش عزيزين عليك البنات؟
ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند
القميجة طاحت
المرا: أشنو وقع؟
الراجل جوابها من الحمام: والو، غير القميجة طاحت.
المرا: ولكن داكشي اللي سمعت تقيل.
الراجل: اه، حيت كنت ف القميجة
الزقرام والليمون الخامج
هادا واحد الزقرام حط الليمون ياكلو.
حل الأولى، لقاها خامجة ولاحها.
حل التانية، لقاها خامجة ولاحها.
وهو يطفي الضو وحل التالتة دغية وسرطها بلا ما يشوف فيها
السيكليس والطلاب
واحد مشى كيسعى عند السيكليس، قال ليه: أعطيني مما أعطاك الله!
قال ليه السيكليس: هاك جيب دورة
طبيب العينين وخطيبتو
هادا طبيب ديال العينين جالس مع خطيبتو ف الجردة.
هز وردة وقال ليها: شايفة هاد الوردة؟
قالت ليه حشمانة: اه.
وهو يرجع إيديه شوية اللور، وقال ليها: ودابا؟
المرا الخايفة من الشفار
هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.
كل ليلة على هاد الحال، وراجلها عيا.
واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.
الغد ليه ف الليل، فيقاتو المرا وقالت ليه: ناري ما سامعة حتى حس ف الدار!
تغيب على المدرسة
هادا واحد الولد ما مشاش للمدرسة. كان جدو كيطل من الشرجم، وبان ليه المعلم جاي لعندهوم للدار، وهو يمشي يجري عند الدري قال
ليه: تخبى تخبى، المعلم جا يسول عليك.
وهو يقول ليه الدري: وا تخبى نتا أجدي، راه قلت ليه جدي مات وجا يعزينا فيك.
الكتبة ديال الطبيب
هادا واحد الطبيب غادي لاجتماع ديال الأطباء، وكتب دغية ف الليل داكشي اللي غادي يقول ف ورقة.
الغد ليه، ملي طلع للمنصة يهدر، ما قدرش يقرا داكشي اللي كتبو ف الليل. عيا ما يشوف، ما فهم والو ف الكتبة ديالو.
وهو يسول الحاضرين: الله يخليكم كاين معانا شي صيدلي ف القاعة؟
أكبر كدبة
هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
ف الطوبيس
هادا واحد الراجل كان ڭالس ف طوبيس عامر ومغمض عينيه.
جا عندو واحد السيد وسولو: خويا مالك ياكما مريض؟
قال ليه لاخور: لا، غير ما كنحملش نشوف عيالات شارفات واقفين ف الطوبيس
صبع ف الزلافة
واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخونة
طلقي راسك
هادي واحد المعلمة قالت لواحد التلميدة: صرفي الفعل مشى في المضارع.
قالت ليها التلميدة بشوية: أنا... أمشي... أنت... تمشي...
قالت ليها المعلمة: طلقي راسك شوية.
قالت ليها التلميدة: أنا أجري، أنت تجري...
ما شفتينيش؟
حد مبوق داز حدا باه ف الزنقة وميك عليه.
مشى عندو باه قال ليه: مالك ما شفتينيش؟
قال ليه المبوق: لا شفتك، غير ما عرفتش فين
طلق مرتو
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.
ناض السيد كيضحك. سولو القاضي: مالك؟
قال ليه: كانت كتديها كاملة
باش كتحلم
سول الأستاذ واحد التلميد: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم.
الاشتراك في:
التعليقات (Atom)
